Home / Arrimaha Bulshada / Wax ka ogow sheekada ninka xanaaneeya 2 Milyan oo balan baalis ah!

Wax ka ogow sheekada ninka xanaaneeya 2 Milyan oo balan baalis ah!

Himilo FM –Balan baalista waxaa lagu tiriyaa xayawaanada ugu quruxda badan si gaar ah kuwa xasharaadka, waxay leedahay qurux indho daraan-dar ah iyo midabo soo jiidasho leh.

Waxay balan baalista ku habboon tahay deegaan kasta laakiin waxay ku badan tahay keymaha iyo dhul beereedyada.

Jaceylka uu u qabo balan baalista ayaa ku riixay Eytosow Tuskada oo reer Jabaan ah inuu xanaaneeyo balan baalista islamarkaana uu u sameeyo matxaf lagu soo bandhigo qeybaha kala duwan ee xasharaadkaasi.

Mr Tuskada ayaa sheegay in balan baalista naadirka ah tahay mid qaali ah isaga oo booqday boqol dal si uu u soo uruuriyo.

Xilligan, ninka reer Jabaan waxa uu xanaaneeyaa labo milyan iyo shan boqol oo kun oo balan baalis laakiin inyar ayuu markasta ka soo bandhigaa.

Waxa uu intaa raaciyay Mr Tuskada in hal balan baalis oo lagu soo bandhigay xaraash lagu qabtay Paris uu ku iibsaday lacag dhan 50 kun oo doolar.

Carafta mooska ayuu rumeysan yahay Tuskada in balan baalistu jeceshahay. Tan iyo billowgii howshan, waxaa kaga baxay kharash dhan 40 Milyan oo doolar oo uu ku iibsaday balan baalis mar la arag ah.

About Mahad Mohamed

error: Copy lama Ogola Fadlan