Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Home / Macluumaad / Maqaayad ku taalla Koonfur Afrika oo aqoonsi ka heshay Guinness World records

Maqaayad ku taalla Koonfur Afrika oo aqoonsi ka heshay Guinness World records

Himilo – Hay’adda diiwaan gelisa rikoorada caalamka ee Guinness World records ayaa aqoonsi caalami ah siisay baar ku yaalla dalka Koonfur Afrika oo sameeyay rikoor cusub.

Baarkan ayaa ku guuleystay in uu macaamiishiisa u diyaariyo ku dhawaad 207 nuuc oo cabitaan caano ah sida laga soo xigtay hay’adda Guinness World records.

Waxa uu ku yaalla magaalada Cape Town, waxaana uu soo jiitay macaamiil fara badan oo si weyn u xiiseeya cabitaanka gaar ahaan nuucyada kala geddisan ee caanaha.

“Markii aan billowgii furnay baarka, waxaan heynay keliya 40 nuuc oo cabitaanka caanaha ah, waayo waxay ahaayeen kuwa la xiiseeyo, waxay noqotay 100, 150, 200, hadda waa 207, waxay intaasi ku dhacday muddo 5 sanno gudaheed ah,” sidaasi ayuu yiri Ian Halfon oo qeyb ka leh baarka.

Waxa uu intaa raaciyay “Waxaan iibinay cabitaan badan, waxaan la imaanay cabitaan la jeclaan karo.”

Marcell Brown oo markii ugu horreysay booqday baarka ayaa ku sheegay nuuca cabitaanka Gibson’s Gourmet Burgers and Ribs mid layaab leh

“Way ka badneyd sida aan filayay, waxaan doonayaa in aan mar kale ku soo laabto halkan, waayo waa cajiib.”

About Mahad Mohamed

error: Copy lama Ogola Fadlan