Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Home / Caafimaad / 24 Maarso: Maalinta caalamiga ee Qaaxada

24 Maarso: Maalinta caalamiga ee Qaaxada

Himilo – Maalinta Caalamiga ah ee Qaaxada ama TB-da, waxaa la xusaa 24 Maarso sannad kasta si loo fududeeyo baahinta wacyiga iyo baraarugga la xiriira cudurka; iyada oo la qaadayo habab hal-beeg u noqon kara kahortagga iyo xad-u-yeelistiisa.

Xus sanadeedkan ayaa loogu dabaal-degay sannadkii 1882-kii markii dr. Robert Koch uu ku dhawaaqay bacteriyada Mycobacterium tuberculosis ee sababta Qaaxada ama TB-da.

Taniyo muddadii uu cudurkani kasoo if-baxay bulshadeenna, waxaa jirtay aragti kala duwan oo laga qabay xaggiisa. Waxaan haddaba kuu sheegi karnaa xaqiiqooyin badan oo ku saabsan cudurkan.

Qaaxada waa cudur inta badan ku baaha hawada wasakheysan. Hayeeshe bukaanadda u dhibban xanuunkan ee qaba cudurka HIV-ADIS-ka waa kuwa ugu nugul. Waana midda ugu weyn ee sababta geerida bukaannada qaba AIDS-ka. Rubuc malyuunta Qaaxada u dhimata sannad kasta, waxay qabaan AIDS-ka. Badigood waxay ku nool yihiin Afrika.

Waxaa dhici karta inaad qabtid cudurkan oo haddana aadan ogeyn. Marka loo eego xoggaha la ururiyay, in ku dhaw 2.3 Bilyan oo qof oo dunida ku nool ayaa qaba Qaaxada, hayeeshee in badan waxaa dhacda inaysan oggaal u laheyn. Iyada oo loo eegayo xaaladaha qaar sida latent tuberculosis,qofka la nool cudurkan waxaa laga yaabaa inuusan iska arkin calaamado halis ah balse ku jira jirkiisa.

Badi cudurkani wuxuu ka jiraa dalalka soo koraya gaar ahaan Afrikada Hodanka ah, Aasiya, Latin Ameerika iyo goballada Ruushka. Qaaxada waxaa la oggaaday inay aad ugu badan tahay gabbaadka iyo hoyga ay ku jiraan dadka dib-jirka, maxaabiista, isbitaallada, qaxootiga iyo wixii soo raaca.

In kasta oo caadiyan Qaaxadu ay saameyso sanbabada, haddana xubnaha kale ee jirka sida maskaxda iyo kelyaha ayay saameyn kartaa.

Laanta u qaabilsan caafimaadka QM ee WHO waxay sheegtay in isku darka cudurrada AIDS-ka, Duumada iyo Qaaxada ay sannad kasta u dhintaan 6 milyan oo qof. Ku dhawaad boqol iyo konton kun oo qof ayaa u dhinta Qaaxada bil walba.

Qaaxadu sannad kasta waxay kor u kaceysaa 1% gudaha qaaradda Afrika sababo la xiriira la’aanta taakuleyn iyo wacyi-gelintii loo baahnaa. Dadaallada ka jira meelaha kale ee ka baxsan qaaradda, waxay caawisay inay xakameeyaan karantiilka dadka la dhibban.

Ugu badnaan 9 milyan oo kiisas Qaaxada la xiriira ah ayaa la diiwaan-geliyay sannadkii 2004. 80% kamid ah waxaa laga calaamadeeyey 22 wadan.

Waxaa jira cunnooyin kala duwan oo loo qaato si looga kabsado xoojinta ama tamar-siinta jirka. Cunista hilib digaagta iyo ukunteeda, cagaarka iyo qudaarta kala duwan iyo dalagga nuucyadiisa kala duwan waa kuwa aas’aasiga ah ee la gudboon cunistooda bukaanka Qaaxada qaba.

Dhibta soo noq-noqota ee laga diiwan-geliyo bukaannada qaba cudurka Qaaxada ayaa la tilmaamayaa inay tahay inaysan si habboon isugu dheelli-tirin cunnada iyo dawada ama ay dawada loo qoray ku qaataan cunno aan nafaqo siin karin jirka u nuglaaday cudurka.

Si kasta oo ay tahayse, waxaa wali la isku raacsan yahay in laga bogsan karo Qaaxada haddii bukaanka loo helo karantiil –ay kow ka tahay nafaqeyn, baxnaano iyo sidoo kale dhameystirka muddada qoran ee dawo qaadashada.

About Mahad Mohamed

error: Copy lama Ogola Fadlan