Home / Maalmaha Caalamiga / 27 September – Maalinta caalamiga ee dalxiiska

27 September – Maalinta caalamiga ee dalxiiska

Himilo – Nolosha malaayiin ruux oo ku nool caalamka ayaa ku tiirsan dalxiiska, halka dowlado badan uu u yahay isha ugu wayn ee dhakhliga soo gala.

Waxa uu biiray dalxiiska dhinacyada uu saameynta taban ku yeeshay Feyruska Corona, kaas oo xayiraaddii ka dhalatay ay qasabtay in sannadkan albaabada la isugu dhufto goobo badan oo loo tamashle tagi jiray.

Si loo muujiyo muuhimadda dalxiisku u leeyahay nolosha aadanaha ayaa sannadkii 1980-kii 27-ka bisha September waxaa loo aqoonsaday maalin ay tahay in la isku baraarujiyo xoojinta dalxiiska.

Dalxiiska waxa uu toban boqolkiiba ka yahay wax soo saarka guud ee caalamka, iyada oo mid ka mid ah tobankii qof ee ku jira suuqa shaqada uu ka shaqeeyaa dalxiiska.

Dalxiiska iyo COVID-19:

Sida ku cad xogta ururka dalxiiska dunida ee WTO, COVID-19 dartii, 100-120-milyan oo shaqooyin dalxiis ah ayaa sannadkan qatar ku jira.

Dhallinyarada ku nool degaanada miyiga ah ee calamka ayaa saameynta ugu badan dareemi doona.

Shanti bil ugu horreeysay sannadka 2020 56% waxaa hoos u dhacay dalxiisayaasha caalamka, taas oo ka dhigan in la waayay aduun dhan 300-bilyan oo doolar .

Qasaarahaasi waxa uu seddax jibbaar ka badan yahay midkii la galay sannadkii 2009-kii, markaas oo dhibaatooyin dhaqaale ay ka jireen caalamka.

Si loo muujiyo muhiimadda uu dalxiiska u leeyahay nolosha dadka reer miyiga ah ayaa sanadkan la qaatay hal ku dhigga ah “Dalxiiska iyo Horumarinta Miyiga”

About Sadia Nour

error: Copy lama Ogola Fadlan