Radio Himilo
Himilo – Declan Rice ayaa lagu soo waramayaa inuu diyaar u yahay inuu diido dalab kasta oo lagu kordhinayo qandaraaskiisa West Ham United, maadaama uu rajeynayo inuu u dhaqaaqo koox weyn.
Chelsea iyo Manchester United ayaa si aad ah loola xiriirinayay 22 jirkaan, halka Manchester City ay sidoo kale isha ku heyso xiddiga qadka dhexe iyagoo u arka inuu yahay bedelka 36 jirka Fernandinho.
Sida laga soo xigtay The Times, West Ham ayaan wax dalab rasmi ah ka helin koox si ay ula saxiixato Rice waxayna ku adkeysaneysaa in cid kasta oo wax iibsan karta ay tahay inay bixiso £ 100m si ay u hesho laacibka reer England.
In kasta oo Rice ay weli ka go’an tahay inuu sii wado qaab ciyaareedkiisii ugu fiicnaa kooxda, haddana wuxuu ka careysan yahay madaxda kooxda London, kuwaas oo si wax ku ool ah u qiimeynaya ka bixitaankiisa suuqa kala iibsiga xagaagan.
Hammers wax cadaadis ah laguma hayo inay iska iibiso ciyaaryahanka khadka dhexe madaama uu weli seddex sano uga harsan yahay qandaraaskiisa haatan.
Rice ayaa West Ham u saftay 146 kulan tartammada oo dhan tan iyo markii uu saftay kulankiisii ugu horreeyay sanadkii 2017, sidoo kale 24 jeer ayuu u saftay xulka qaranka England.
