Radio Himilo
Himilo – Real Madrid ayaa xaqiijisay in daafaca kooxda ee Raphael Varane uu dhaawac kasoo gaaray dhanka muruqa isla markaana uu seegi doono kulanka lugta labaad ee Champions League heerkiisa afar dhammaadka oo ay Arbacada la ciyaari doonaan Chelsea.
Chelsea ayaa marti gelin doonta naadiga reer Spain ee Real Madrid kaddib markii labada koox ay lugta koowaad soo galeen barbaro 1-1 ah isbuucii tegay.
Wiilasha Thomas Tuchel ayaa fursad wanaagsan ka heysta kulankan marka loo eego goolka ay bannaanka kusoo dhaliyeen.
Nasiib wanaag Real Madrid, waxaa usoo laabtay xiddiga kabtanka u ah ee Sergio Ramos isla markaana waxa uu diyaar u yahay ciyaarta Champions League ee Arbacada, taasi oo meesha ka saareysa welwelka ku aadan maqnaanshiyaha Varane.
