Radio Himilo
Himilo – Shaqsiyaadka shaqeeya 55 saacadood amaba wax ka badan toddobaadkii, waxey ka cawdaan xanuunada faaligga iyo wadna xanuun, sidaasi waxaa lagu sheegay cilmibaaris cusub oo ay soosaareen hay’adda caafimaadka adduunka iyo ururka shaqaalaha dunida.
Sahanka ayaa lagu xusay in 9% dadyowga dunida ay shaqeeyaan 55 saac amaba in ka badan, taas oo ka dhigan in dadkaasi ay wajahayaan Qatar laga hortagi karo.
2016-kii 398,000 qof ayaa u geeriyootay xanuunka faaliga amaba dhiig furanka maskaxda halka wadna xanuunkana ay u dhinteen 347,000 ruux, sabab la xiriirta waqti badan oo ay shaqeeyeen.
Tiradu waa ay kordheysay sanadba midka ka danbeeya, sida tilmaamay cilmi baarista oo lagu saleeyay xog laga soo uruuriyay 23,000 shaqaale ah oo ku kala nool 154.
Xanuunadaasi ka dhasha waqtiga badan ee la shaqeeyo waxaa 72% ka cawda ragga, waxeyna mushkiladahan si gaar ah u saameeyay shaqaalaha ku nool gobolada galbeedka badda baasifikada iyo koofur-bari Aasiya.
