Himilo – Kooxda Barcelona ayaa xaqiijisay inay xiddigeedii hore ee qadka dhexe uga ciyaari jiray Xavi u magacowday tababaraha cusub ee naadiga.
41 jirkan ayaa kooxda la galay heshiis gaaraya ilaa 2024. Waxayna magacaabistiisu timid kadib markii tababarihii hore Ronaldo Koeman la eryay.
Xavi ayaa hadda ahaa tababaraha kooxda Al-Sadd oo ka dhisan waddanka Qatar. Wada-hadal laga galay ayey ku ogolaadeen in lagala soo wareego Xavi.
Laacibkii macallinka isku rogay ayaa iminka dib ugu laabtay kooxdii uu ka tirsanaa 1991-2015 oo uu kula guuleystay siddeed koob La Liga ah iyo afar kale oo Champions League ah.
Sergi Barjuan ayaa sii ahaan doona tababaraha ku meel gaarka ah ee kooxda leylin doona kulanka Celta Vigo, balse Xavi wuxuu hawshiisa tababarnimo ee Barcelona billaabi doona derbiga Espanyol fasaxa qaramada kadib.
