Himilo – Duqa magaalada New York, Zahran Mamdani, ayaa sheegay in maamulkiisu uu baarayo fursadaha sharci ee la heli karo haddii Ra’iisul Wasaaraha Israa’iil, Benjamin Netanyahu, uu magaalada u yimaado ka qeybgalka shirarka Golaha Guud ee Qaramada Midoobay bisha Sebtembar.
Mamdani ayaa sheegay in la-tashiyo ay la wadaan waaxda sharciga ee magaalada si loo ogaado awoodda sharci ee maamulka maxalliga ah, isagoo xusay in tallaabo kasta oo la qaadayo ay ku koobnaan doonto waxa sharcigu oggol yahay.
Hadalkan ayaa yimid kadib markii Maxkamadda Dambiyada Caalamiga ah (ICC) ay soo saartay amar lagu soo xirayo Netanyahu. Israa’iil way diiddan tahay amarkaas, halka Mareykankuna uusan aqoonsanayn awoodda ICC ee kiiskan, arrintaas oo dhalisay dood sharci iyo mid siyaasadeed oo ku saabsan sida loola dhaqmi karo hoggaamiyeyaasha shisheeye ee booqda xarunta Qaramada Midoobay.
