Himilo – Manchester City ayaa lagu soo waramayaa inay qarka u saaran tahay in Fernandinho u soo bandhigto qandaraas cusub oo ah in ciyaaryahanka khadka dhexe uu qeyb ka sii ahaado kooxda.
Ciyaaryahanka heerka caalami ee dalka Brazil ayaa wajahaya tartan xilli ciyaareedka soo socda ka dib markii saxiixa rikoorka kooxda ee Rodri uu yimid Isbuucan.
Fernandinho ayaa sannadkiisa ugu dambeeya ee qandaraaskiisa haatan uu dhacayaa 2019-2020, waxaana la filayaa inuu noqon doono kan ugu danbeeya ee garoonka Etihad Stadium, laakiin The Sun ayaa sheegaysa inuu weli sii joogi karo.
Tababaraha City Pep Guardiola ayaa aaminsan in 34 jirkan uu weli heysto wax badan oo uu ku soo bandhigi karo qaab ciyaareedkiisa – wuxuu sidoo kale buuxin karaa dambeedka – sidoo kale waxaa loo arkaa inuu yahay mid aad u fiican.
Fernandinho, oo 34 milyan oo ginni uga soo biiray Shakhtar Donetsk 2013 ayaa 27 kulan u saftay Citizens xilli ciyaareedkii hore.
