Himilo – Ciyaaryahanka khadka dhexe ee Liverpool Georginio Wijnaldum ayaa qirtay in ciyaartoydu ay la kulmayaan xaalad aysan weligood horay u soo marin laakiin wuxuu ku adkeysanayaa inaysan awoodin inay ciyaaraan “doorka dhibanaha”.
Guuldaradii 2-0 ee kulankii 238-aad ee Merseyside derby ayaa ahayd markii ugu horaysay ee ay guuldaro kala kulmaan Anfield kooxda Everton tan iyo 1999 laakiin, waxaa taas kasii daran, guuldaradoodii afaraad ee isku xigta ee garoonkeeda waxay la micno tahay inay ku socdaan meeshii ugu xumeyd tan iyo 1923.
Laakiin Wijnaldum ayaa carrabka ku adkeeyay in taasi aysan aheyn inay dhacdo.
“Tani waa xaalad cusub oo aan hadda ku jirno. Xilli ciyaareedyadii hore markii aan abuurnay fursado badan, marwalba waxaan dhalin jirnay gool,” ayuu u sheegay liverpoolfc.com
“Haatan waxaan ku jirnaa xilli aan abuureyno fursado badan laakiin ma dhalin karno goolal, waa wax laga xumaado, gaar ahaan marka aad garoonka ku jirto oo aad ciyaareyso.
“Waxa aan sameyn karno ayaa ah kaliya inaan isku dayno inaan wax walba siino, isku dayno inaan kalsooni qabno oo aan si wada jir ah uga wada shaqeyno sidii aan xilli ciyaareedkaan ku gaari lahayn meel fiican.”
