Himilo – Juventus ayaa dooneysa inay ceshato Federico Bernardeschi laakiin waxay rajeynayaan in garabka uu aqbali doono dhimista mushaarka badan.
Ciyaaryahanka heerka caalami ee dalka Talyaaniga ayaa haatan qaata € 4m xilli ciyaareedkii, Calciomercato.com ayaana warinaysa in Marwada Duqda ah ay bilowday inay ka shaqeyso xallinta xaaladaha ciyaartoyda qandaraasyadoodu dhacayo.
27 jirkaan ayaa ka yimid Fiorentina bishii July 2017 wuxuuna soo maray xoogaa saro u kac iyo hoos u dhacba markii uu joogay Bianconeri.
Laakiin ku soo laabashadii Max Allegri ayaa caawisay weeraryahanka, kaasoo toddobo jeer ka soo muuqday tartamada oo dhan xilli ciyaareedkan.
Bernardeschi ayaa caawiye muhiim ah ka ahaa guushii 1-0 ee ay Chelsea kaga gaareen Champions League bishii la soo dhaafay, isagoo sare isu qaaday maqnaanshaha Paulo Dybala iyo Alvaro Morata.
Juventus ayaa dooneysa inay heshiis cusub u gacan geliso , maadaama qandaraaskiisu dhacayo June 2022, laakiin waxay rajeynayaan inuu aqbali doono dhimista mushaarka si loo kordhiyo.
Marwada Duqda ah, sida laga soo xigtay wargeysyada, waxay diyaar u tahay inay u soo bandhigto heshiis cusub oo u dhexeeya € 2.5m iyo € 3m xilli ciyaareedkii, mustaqbalka Bernardeschi weli lama yaqaan.
Haddii ciyaaryahanka uusan dooneynin inuu dhimo mushaharka, waxaa loo adeegsan karaa inuu noqdo kaash inta lagu guda jiro suuqa kala iibsiga bisha Janaayo, waxayna warbaahintu sheegeysaa inay kooxdu dooneyso inay ku darto heshiis is dhaafsi.
