Halyeyga Chelsea Frank Lampard ayaa aaminsan in macallinkiisii hore Jose Mourinho uu guulo ku gaari doono gegada Old Trafford kaddib doorkiisa hogaamineed ee kooxda Masraxa Riyada.
Lampard oo labo waqti ka hoos cayaaray macallin Mourinho ayaa kalsooni u muujiyay 53 jirka shaqada Red Devils loo dhiibay maallintii Jimcaha.
“Waa macallin sare, isaga oo kale ayayna United u baahneyd, waa u guul Premier League in markale horyaalkaa uu kasoo muuqdo Mourinho.” Lampard ayaa sidaa u sheegay The Sun.
Mourinho ayaa tababare soo ahaa 13 sanadood isagoo soo hogaamiyay kooxo ay kamid yihiin Porto, Chelsea, Inter Milan iyo Real Madrid, isagoo ku guuleystay 22 koob oo waa weyn.
