Himilo – Man United ayaa meesha ka saartay suurtagalnimada in ay fasaxdo Alexis Sanchez iyo Chris Smalling oo ammaah uga maqan illaa dhammaadka Europa League.
Labada cayaaryahan ayaa heshiis ku-meel-gaar ah ugu biiray Inter Milan billowgii xilli cayaareedkan.
Sida qorshaha yahay, cayaaryahannada ayaa ku laabanaya Manchester United kaddib maalinta ugu danbeysa ee horyaalka Serie A oo ku asteysan 2-da August, taasi oo ka dhigan in aysan ka qeyb qaadan Karin kulamada ka harsan Europa League.
Kooxda tababare Ole Gunnar Solskjaer ayaa dooneysa in ay dib u soo celiso laacibiinta si madaxooda loogu helo lacago lagu soo iibiyo Jadon Sancho.
