Himilo- Manchester United ayaa ka fiirsaneyso inay dalab u dirto ciyaaryahanka khadka dhexe ee Real Madrid Martin Odegaard ka hor suuqa kala iibsiga xagaaga soo aadan.
Noorwejiyanku wuxuu u soo dhaqaaqay Bernabeu isagoo 15 jir ah sanadkii 2015 lacag dhan £ 2.6m wuxuuna amaah ku qaatay kooxaha Eredivisie Heerenveen iyo Vitesse.
Qaab ciyaareedkiisa xilli ciyaareedkan ee Real Sociedad, oo hal dhibic ka danbeysa horyaalka La Liga, ayaa ahaa mid cajiib ah, iyadoo ay soo baxayaan warar sheegaya in Los Blancos ay xitaa ka fiirsaneysay inay dib uga soo celiso amaahdii ay labo sano ku dirtay.
Sida lagu sheegay warbixin ka soo baxda Spain, Odegaard ma doonayo inuu ku laabto Madrid, taasoo United ku dhiirigelisay inay ka fiirsato inay dalab ka gudbiso xagaaga soo aadan.
United ayaa hore loogu xamanayay inay xiiseyneyso 20 jirka, iyadoo Ole Gunnar Solskjaer uu go’aansaday inuu ku daro ciyaartoy da ‘yar ah kooxdiisa .
Isaga oo wareysi bixinayay horaantii xilli ciyaareedkan, Odegaard wuxuu ku adkeystay in ujeedkiisa uu ahaa inuu ku laabto kooxda Zinedine Zidane si uu boos uga helo line-upka .
