Himilo – Manchester United ayaa lagu soo waramayaa inay dooneyso inay u ogolaato Cristiano Ronaldo inuu ka tago kooxda xagaagan haddii uu go’aansado inuu ka dhaqaaqo Old Trafford.
37 jirkaan ayaa qaab ciyaareed cajiib ah ku soo bandhigayay Red Devils intii lagu jiray xilli ciyaareedkii 2021-22, isagoo dhaliyay 15 gool 27 kulan oo uu saftay tartamada oo dhan, marka lagu daro seddex gool caawineed.
Ronaldo waxa uu Old Trafford ku joogaa heshiis dhacaya June 2023, iyadoo uu hayston sanad kale dookh u ah, laakiin waxa jiray warar sheegaya inuu xagaagan ka tagi karo haddii ay kooxdu ku guuldareysato inay u soo baxdo Champions League xilli ciyaareedka soo socda.
Man United ayaa u dagaalamaysa inay ku dhameysato afarta sare ee kala sarreynta horyaalka Premier League, halka ay toddobaadka soo socda aadi doonto Atletico Madrid lugta hore ee wareegga 16ka Champions League.
