Nin u dhashay dalka Australia ayaa fariin 25 jir ah ka helay quraarad ku jirta wabi dhexdiisa, wuxuu geesta kale ogaaday qofka soo diray isaga oo isticmaalaya baraha bulshada.
Marty Monson, oo ku nool jasiiradda King, ayaa sheegay in uu dhalo ka helay horraantii bishii Janaayo webiga Maroodiga kadib baraha bulshada galiyay sawiradeeda.
Farriinta, ayaa ku taariikhaysan Juun 14, 1996, waxaa ku saxiixnaa magaca Mark Burton oo wata macluumaadka xiriirka, laakiin Monson wuxuu sheegay in nambarada teleefanku ay u muuqdaan kuwo dhacay.
Burton waxa uu sheegay inuu dhawaan farriimi ka helay walaashiis iyo hooyadii oo ku baraarujinaya boosto loo soo diray, fiirin kadib wuxuu ku arkay farriin ku jirta dhalo oo isaga iyo saaxiibkii ay ku dhex tuureen wabiga 25 sano ka hor.
“Waa mid ka mid ah waxyaabaha aad sameyso markaad caruur tahay, mana u maleynaysid inay wax ka soo bixi doonaan,” Burton ayaa yidhi.
