Muqdisho – Nin kamid ah dadka degmada Siverek ee dhacda koofur-bari dalka Turkiga ayaa weeraray taallada Ataturk – isaga oo yiri; ‘Sanam caabudku boos kuma lahan Islaamka,’ sida ay soo warisay Dogan News Agency.
Ninka oo lagu sheegay Mehmet Malbora ayaa ku dulbooday taallada Ataturk ee ku taalla fagaaraha Siverek’s Cumhuriyet Square isaga oo burus la dhacaya.
“Kuma jirto sanam in la caabudo diinteenna Islaamka. Kuwa ku hor-gadaaman burburinta sanamka miyay yihiin kuwii Suubanaha raacsanaa?!,” ayaa laga soo werisay inuu ku qeylinayay.
Goob-joogayaal ka ag-dhawaa halka uu shilku ka dhacay ayaa booliska ugu yeeray ninkan oo ku labisnaa sunnada Islaamiga ah.
Booliska ayaa haddaba goobta ka waday waxayna su’aalo ku weydiinayaan sal-dhigga.
