Himilo- Real Madrid ayaa ku wargalisay tababareheeda Zinedine Zidane in kooxda aysan u dhaqaaqi doonin ciyaaryahanka khadka dhexe ee Manchester United Paul Pogba sannadka 2020.
Los Blancos ayaa si xoogan loola xiriirinaayey ciyaaryahanka heerka caalami ee dalka France intii lagu jiray xagaagii laakiin waxay awoodi waayeen inay heshiis la galaan Red Devils oo ku aadan qiimaha suuqa kala iibsiga.
Zidane ayaa la sheegay inuu doonayo inku guuleystaha Koobkii Adduunka 2018 uu geeyoe Bernabeu, laakiin sida laga soo xigtay AS, kooxda caasimada ka dhisan ayaa u sheegtay maamulahooda inuu iska ilaawo u dhaqaaqista.
Warbixinta ayaa sheegeysa in soo bixitaanka Federico Valverde uu ka dhaadhiciyay kooxda inaysan u baahneyn inay ku qarashgareyaan Pogba lacag ka badan 120 milyan ginni.
26 jirka ayaa ka soo kabsaday dhaawac anqowga ah oo uu ciyaaray kulamadii United ee Premier League ee ay dhawaan la ciyaareen Watford iyo Newcastle United, in kasta oo laga saaray kulankii sabtida ee Burnley ka hor safarka Arsenal ee sannadka cusub.
Kooxda Juventus ayaa sidoo kale lala xiriirinayaa inay lasoo wareegeyso xiddigii hore ee qadka dhexe.
