Himilo FM –Xubin katirsan golaha magaalada Newyork ee dalka Mareykanka ayaa loo aqoonsaday siyaasiga ugu dheer caalamka iyadoo dhiririkiisu yahay 208 Sentimitir oo u dhiganta 2.08 Mitir.
Robert Cornegy ayaa lagu sharfay xaflad ka dhacday xarunta magaalada Newyork kaddib markii shahaado rasmi ah uu ka helay hay’adda Guiness World Records oo u aqoonsatay siyaasiga ugu dheer dunida.
Sida laga soo xigtay wakaalada wararka AP, Mr Robert ayaa sheegay in uu codsaday aqoonsiga hay’adda markii qof saaxiib la ah uu kula kaftamay inuu noqon karo siyaasiga ugu dheer caalamka.
Ciyaaryahankii hore ee kubadda gacanta ayaa intaa raaciyay in dhirirka xad dhaafka ah uu leeyahay caqabadihiisa gaarka ah sida marka qofka uu doonayo inuu iibsado dharka iyo kabaha.
Rikoorka siyaasiga ugu dheer caalamka waxaa heystay xubin katirsan baarlamaanka Ingiriiska oo dhirirkiisu ahaa 202 Sentimitir, waxa uu dhintay sannadkii 1979-kii.
