Himilo FM – Kooxda Barcelona ayaa diiradda saareysa Weeraryahanka Tottenham Hotspur Fernando Llorente.
Kooxda reer Catalan ayaa lagu soo waramayaa inay suuqa ugu jirto weeraryahan cusub bisha Janaayo halka Alvaro Morata lala xiriirinayo in uu u wareegayo Camp Nou.
Si kastaba, sida laga soo xigtay Mundo Deportivo, tababare Ernesto Valverde ayaa sidoo kale ka fiirsanaya Llorente oo ah dooqa labaad ee keydka ugu jira Harry Kane ee kooxda Tottenham Hotspur.
33 jirkan ayaa hal kulan ku billowday tan iyo markii uu u soo dhaqaaqay kooxda ka dhisan waqooyiga London 2017 inkastoo 11 kulan oo kale uu ka soo muuqday koobabka kale.
Llorente waxaa qandaraaskiisa ka haray lix billood oo keliya laakiin dhaawaca Kane ee kulankii Manchester United ee Axadda ayaa laga yaabaa in uu fursad ka helo kooxda uu maamulo Mauricio Pochettino.
