Himilo – Weeraryahanka Tottenham Hotspur Harry Kane ayaa lagu soo waramayaa in uu u dhaqaaqi karo kooxda Juventus haddii ay la timaado dalab ku saabsan saxiixiisa.
Inkasta oo uu heysto qandaraas uu ku sii joogi karo kooxda ka dhisan Waqooyiga London illaa 2024-ka haddana Kane waxa uu u muuqdaa in uu doonayo isbadal cusub.
Kooxo badan ayaa xiiseynaya cayaaryahanka oo ay ku jirto Juventus oo beddal u raadineysa cayaaryahanka Gonzalo Higuain.
Marka la eego Tuttosport, hoggaamiyaasha Serie A ayaa u arka laacibka 26 jirka ah dooqooda koowaad oo ay bartilmaameysanayaan suuq furanka soo socda.
Inkasta oo Manchester United xiiseynayso Kane haddana warbixinnada ayaa qeexaya in laacibka Ingiriiska u furan yahay u dhaqaaqista Talyaaniga.
Kane ayaa dhaliyay 181 gool, 278 kulan oo ah dhammaan tartamada oo idil intii uu joogay Spurs.
