Himilo – Manchester City iyo Paris Saint-Germain ayaa labaduba la werinayaa in ay aamisan yihiin in Lionel Messi si xor ah kaga dhaqaaqi doono kooxda Barcelona.
33 sanno jirkaan ayaa isku dayay ka hayaamidda Camp Nou muddooyinkii lasoo dhaafay xilligii uu furnaa suuqa kala iibsiga ciyaartoyda, laakiin naadiga reer Catalan ayaa ku qancisay in laacibka sii joogo kooxdooda.
Qandaraaska Messi ee uu Barca kula jiro ayaa dhacaya xagaaga soo aadan taasi oo ka dhigan in laacibkaan uu xor noqon doono haddii uusan wax heshiis ah la gelin kooxda.
Man City iyo PSG ayaa si weyn loola xiriirinayay xiddiga reer South American, sida ay ku warrameyso 90min, labada koox ayaa ku kalsoon in weeraryahanka uu dhaqaaqi doono dhammaadka 2020-21.
