Himilo- Kooxda Roma ayaa la warinayaa inay ku guuldareysatay dalab 13 milyan ginni ah oo ay ka gudbisay daafaca Manchester United Chris Smalling.
Iyadoo Roma ay ku guuleysatay inay heshiis amaah ah oo hal xilli ciyaareed ah ku hesho daafaca dhexe inta lagu jiro xagaaga, United diyaar uma aheyn inay ugu kudarto ikhtiyaar kooxda reer Talyaani inay heshiis buuxa kula wareegto.
Si kastaba ha noqotee, iyadoo Smalling uu wacdaro ka dhigayo Serie A tan iyo markii uu u soo wareegay Stadio Olimpico, Roma ayaa isha ku heysa inay heshiis joogto ah la gaarto ka hor inta aysan kooxaha kale xiiseyneynin ciyaaryahanka reer England.
Sida laga soo xigtay Daily Star, United ayaa dooratay inay diido dalabkii ugu dambeeyay ee Roma, iyadoo Ed Woodward uu doonayo inuu ka iibiyo kooxda ugu sarreysa ee suuqa kala iibsiga soo socda.
Warbixinta ayaa sheegeysa in kasta oo Smalling uu ‘isku shaandheyn’ ka helay kooxaha AC Milan iyo Inter Milan, laakiin 29 jirka ayaa doorbidi lahaa inuu mustaqbalkiisa ciyaareed kusii wato caasimada Italy.
Smalling ayaa kaliya ka harsan seddex sano iyo bar qandaraaskiisa Old Trafford.
