Muqdisho – Mezut Ozil waxay u aheyd habeen fiican kulankii ay 2-0 kaga adkaadeen Sunderland – tiiyoo Ozil uu kaalin muuqata ku lahaa bandhigii xalay. Hayeeshe laacibka Qaran Jarmalka wuxuu aad ugu riyaaqay in riyada wiil 11-jirka uu run u badalo.
Kubad-sameeyaha Arsenal, ayaa marti-geliyay Charlie, oo ah taageere da’yar ah oo la dhiban xanuunka Kansarka Maskaxda kadib dhamaadkii ciyaarta. Waxaana intaas dheereyd, in wiilka iyo waalidkiisaba lagu soo wareejiyay gegida kooxda kahor intaan dhibanaha la guddoonsiin ‘biladda Man of The Match’ oo Ozil la siiyay.
Booqashada waxaa soo abaabulay ururka samafalka Kansarka ee My Shining Star, oo Charlie ka caawiyay inuu la kulmo Ozil. Waxayna labadooduba ugu danbeyn kusoo wada wareegeen garoonka.
