Himilo – Shirkad laga leeyahay dalka Canada waxay raadineysaa khubaro u shaqeeya kuna takhasusay dhadhaminta macmacaanada ay sameyso.
Fadhiga shirkadda ayaa ah gobolka Ontario ee bariga Canada, shaqadan ayaa la oggol yahay in meelo fog laga hawsha qabto iyadoo halkii saac qofka la siinayo $47 Doollar.
Hawlwadeenna shaqadooda ugu weyn waxay tahay inay dib u eegaan iyagoo hubinaya dhadhanka 3,000 oo macmanaan ah isuguna jira nacnacyo iyo shukulaatooyin.
“Musharixiintu waa inay ahaadaan kuwo leh doonis iyo rabitaan sare oo ay ku tijaabinayaan macmacaanka la soo saaro, si daacadnimo ah,” sidaa waxa lagu yiri qoraal la baahiyay.
Shaqan waxaa loo codsan karaa hab online ah, waxay ku eg tahay in la aqbalo dadka doonaya 15 bisha February, sannadka 2021.
