Himilo FM –Tottenham ayaa la ciyaari doonta Real Madrid, Bayern Munich iyo Fenerbahce Audi Cup xagaagaan.
Audi ayaa la ciyaaraa kahor xilli ciyaareedka xilli lagu dheelayo Allianz Arena oo ay ku ciyaarto kooxda Munich labadii sanno ee la soo dhaafay.
Spurs ayaa furitaanka tartanka la ciyaareysa Real Madrid 30-ka bisha July saacadda marka ay tahay 3:00 galabnimo ka hor inta aysan Bayern la ciyaarin Fenerbahce labo saacadood kaddib.
Kulanka seddexaad / afaraad ee ciyaarta iyo finalka wuxuu dhacayaa 31-ka Luulyo 3:00 iyo 5.30 galabnimo, siday u kala horreeyaan.
Tottenham ayaa ku dhameysatay kaalinta seddexaad ee tartanka sanadka 2015-kii kaddib markii ay 2-0 kaga badisay AC Milan.
