Himilo – Manchester United ayaa la werinayaa in ay iibin doonaan ugu yaraan seddex ciyaaryahan marka la gaaro bisha January xilligaasi oo uu furmi doono suuqa kala iibsiga.
Sida ay ku warrameyso Manchester Evening News, United ayaa qaadan doonta go’aan ay liiska ciyaartoydeeda ugu saareyso laacibiinta Sergio Romero, Marcos Rojo iyo Phil Jones.
Mid kasta oo kamid ah seddexdan laacib kuma soo bilaaban hal kulan tan iyo markii uu billowday ololaha 2020-21. Sidoo kale xiddigaha ay suura galka tahay ka tegidda Old Trafford waxaa kamid ah Timothy Fosu-Mensah, inkasta oo aan si rasmi ah loo shaacin arrimaha laacibkan.
