Himilo FM –Cadaalada bulshada waa mabda’ tiir u ah wada noolaanshaha nabadeed iyo barwaaqo ee dalalka. Waxay imaan kartaa nuuca cadalaadan marka loo istaago sinnaanta dadka, xuquuqda dadka asalka ah iyo qaxootiga.
Waxaa kale oo la tiigsan karaa cadaalada bulshadda marka meesha laga saaro caqabadaha dadka wajahaan sababo la xiriira jinsigooda, da’dooda, midabkooda, diintooda iyo dhaqankooda.
QM waxay ku faantaa inay tahay tiir u taagan cadaalada bulshada iyadoo hay’adeeda shaqooyinka ee ILO u asteysay maalintan si loo dhiira geliyo cadaalada bulshada oo ah tiir ka maqan bulshooyin badan oo caalamka ku nool.
Waxaa looga dan leeyahay maalintan in diiradda lagu saaro xaqiijinta natiijooyinka shaqaaleysiin loo dhan yahay, ilaalin bulsho, wadahadal bulsho iyo dhowrida mabaadi’da iyo xuquuqda goobaha shaqada.
Sannadkan, maalinta caalamiga ah ee cadaalada bulshada waxaa hal-ku-dheg loo qaatay “ Haddii aad dooneyso nabad iyo horumar, u shaqeey cadaalada bulshada.”
