Radio Himilo
Himilo – Everton ayaa lagu soo waramayaa inay u dhaqaaqi karto kabtanka kooxda Paris Saint-Germain Thiago Silva suuq furanka xagaaga.
35 jirka ayaa mar kale u noqday cayaaryahan muhiim ah kooxda Faransiiska intii lagu guda jiray ol-olaha 2019-2020 isaga oo ka soo muuqday 30 kulan dhammaan tartamada.
Qandaraaska laacibka reer Brazil ayaa ee PSG ayaa ku eg dhammaadka June, inkasta oo ay muuqato in cayaaryahanka uu heshiis xur ah uga tagi doono kooxda tababare Thomas Tuchel.
Sida laga soo xigtay Sportal, tababaraha Everton Carlo Ancelotti oo horay u soo maamulay laacibka Koonfurta Ameerika ayaa soo dhaweynaya daafac dambeed khibrad leh oo yimaada Goodison Park.
Wararka ayaa intaa raacinaya in Silva uu doonayo in uu go’aan ka gaaro mustaqbalkiisa inta ay immika hakadka ku jiraan cayaaraha. Waxaa loo badinayaa in uu xirfaddiisa ku soo gabagabeyn doono Ingiriiska.
Daafaca ayaa ku guuleystay 20 koob oo maxali ah intii uu la joogay Les Parisiens.
