Radio Himilo
Himilo- Arsenal iyo Liverpool ayaa sidoo kale ugaarsanayaan daafaca Hearts Aaron Hickey, kaasoo u muuqda mid yeelan doona kooxo dhowr ah marka uu go’aansado inuu ka tago Tynecastle Park.
Manchester City ayaa dhawaanahan lala xiriirinayay inay £ 1.5 milyan oo ginni kula soo wareegayaan daafaca dambeedka, halka Southampton iyo Queens Park Rangers ay sidoo kale xiiseynayaan.
Sida laga soo xigtay The Sun, inkastoo, Arsenal iyo Liverpool ay ka mid yihiin toddobo naadi oo Premier League ah oo xiiseynaya heshiiska 17 jirka, kaasoo waqti ku qaatay nidaamka da’yarta Celtic ka hor inta uusan ugu dhaqaaqin Hearts.
Warbixinta ayaa sheegeysa in da’yarka si weyn loogu daawaday ciyaartii Sabtidii ay la yeesheen kooxda Rangers, halkaasoo uu ka ciyaaray 90ka daqiiqo ee buuxa.
Wakiilo ka kala socda Newcastle United, Norwich City, Aston Villa iyo Crystal Palace ayaa sidoo kale la rumeysan yahay inay daawadeen da ‘yarkaan kulankii barbaraha 1-1 ay ku galeen Tynecastle Park.
Hickey wuxuu dhaliyay goolkiisii ugu horreeyay ee Hearts kulankii ka dhanka ahaa Hibernian bishii hore Horyaalka Scottish-ka.
