Radio Himilo
Barcelona ayaa wali xiiseynaysa iibinta Philippe Coutinho inta lagu guda jiro suuq furanka xagaaga.
Cayaaryahanka reer Brazil ayaa immika heshiis ammaah ah ku jooga kooxda reer Jarmal ee Bayern Munich laakiin qorshaha ayaa ah in uu ku laabto garoonka Camp Nou dhammaadka ol-olaha 2019-20.
Tababaraha Barcelona Quique Setien ayaa dhawaan sheegay in 27 jirka uu kamid yahay qorshahiisa xilli cayaareedka soo socda isaga oo ku tilmaamay ‘ laacib weyn’
Si kasta, sida laga soo xigtay Goal, kooxda reer Spain ayaa xiiseynaysa inay iibiso Coutinho si ay lacago ugu hesho heshiisyada ay ku dooneyso Neymar iyo Martinez.
Manchester United iyo Chelsea ayaa labaduba xiiseynaya cayaaryahanka Koonfurta Ameerika oo ku dhibtooday in uu bandhig wanaagsan ka sameeyo Barcelona tan iyo markii uu kaga soo biiray Liverpool sannadkii 2018-ka.
