Radio Himilo
Muqdisho – Macalinkii hore ee kooxda Barcelona, Luis Enrique ayey wararku sheegayaan in laga yaabo in uu noqdo macalinka kooxda reer Jarmal ee macalin la’aanta ah Bayern Munich.
Toddobaadkii lasoo dhaafay kooxda Jarmalka ayaa shaqada macalinimo ka raacdeysay tababbare Carlo Ancelotti kadib markii uu ku bilowday si liidata xagaagan labada koob ee Bundesliga iyo Champions League, dhowr macalin oo uu kamid yahay Luis Enrique ayaana lala xariirinayaa kooxda ka dhisan Allianza Arena.
Thomas Tuchel, Julian Nagelsmann and Louis van Gaal ayaa ah macalimiinta kale ee lala xariirinayo kooxda Bayer, hayeeshee waxa ugu horreeya sida ay wararku sheegayaan macalinkii hore ee Bardelona Enrique.
47-jirkan ayaa hadda ah shaqo la’aan kadib markii uu soo dhameystay saddex sano oo heshiis ah markii uu ku sugnaa Barcelona xagaagii dhamaaday, horraanta sanadkan ayaana laga yaabaa in uu mar kale xirto dharka macalinnimada.
Bayern ayaa ku qasban in sida ugu dhaqsiyaha badan ay ku hesho badelka Ancelotti si ay ugu dagaalanto horyaalka iyo tartamada kale oo ay ka qeyb galeyso.
Qore: Abdiaziz Adan Urur.
