Radio Himilo
Himilo – Bruno Fernandes ayaa qaadanaya tababaro dheeraad ah kahor inta aysan dib u soo laaban cayaaraha bisha soo socota.
Cayaaryahanka reer Portugal ayaa sameeyay bandhig wanaagsan seddexdii billood ee ugu horreysay cayaaraha horyaalka Ingiriiska illaa markii danbe la hakiyay horyaalka sabab ku qotanta xannuunka safmarka ah ee Karoona.
Fernandes ayaa ku soo laabtay tababar yar toddobaadkii hore markii ugu horreysay tan iyo bishii Maarso iyada oo hoggaamiyaasha horyaalka rajeynayaan in cayaaraha dib loo billaabo bartamaha June.
Si uu isugu diyaariyo cayaaraha, 25 jirka ayaa ka qeyb galaya tababaro dheeraad ah oo aan aheyn kuwa kooxda.
Fernandes ayaa dhaliyay lix gool sagaal kulan oo uu u saftay Manchester United.
