Radio Himilo
Muqdisho – Macalinka kooxda Atletico Madrid, Diego Simeone ayaa rumeysan in Leicester City ay la siman tahay naadigiisa oo ay isku diyaarinayaan qaabilisteeda lugta labaad ee Champion League.
Kooxda awoodda ku leh La Liga ayaa lugtii hore 1-0 kusoo sul-daartay Leicester City garoonkeeda King Power. Waxayna kusii jeedaan gaarista afar-dhamaadka koobka.
Simeone wuxuu sheegay inay jiraan isku dhignaan muuqata oo labada kooxood ay wadagaan.
“Leicester City waxay ku tiirsan tahay faaf-faahinta sida aan anaguba ugu tiirsannahay,” ayuu macalinka reer Argentine ku sheegay shir-jaraa’id.
“Waa koox is dheelli-tirta aadna u caaboon inta badan sida annaga oo kale. Marka waxan dheeleynaa ciyaar aan saadaal laheyn iyo hubaal la’aanta gaarista afar-dhamaadka.”
Atletico waxay tartanka Champion League kusoo jirtay laba kamid ah saddaxdii xilli-ciyaareed ee ugu danbeysay – Simoene-na wuxuu sheegay in awoodda ay ku dagaallamaan inay ka dhigtay kuwo tiigsi leh.
“Waxa ugu fiican ee kooxdu sameyneysay saddaxdii sano ee lasoo dhaafay waa baratanka,” ayuu yiri. “Tartamista tartan kasta oo ay ciyaaraan ayaa ka dhigtay kuwo sameynaya horumar.”
