Radio Himilo
Himilo FM –Xaalad layaab leh oo noqonaysa middii ugu horreysay ee taariikhda diyaaradaha ayaa qabsatay diyaarada shirkada Jet 2 oo ku socotay Spain.
Warbaahinta dalka Ingiriiska ayaa ku soo waramaysa in diyaarada Jet 2 oo ka duushay Glasgow inay si deg deg ah ugu dagtay magaalada Manchester kaddib markii la oggaaday inaysan saarneyn biyo ku filan oo rakaabka loogu diyaarin karo qaxwo iyo shaah.
Wargeyska Metro ayaa tilmaamay in lagu qasbanaaday in diyaarada la dejiyo markii shaac laga dhigay in biyo badan aysan saarneyn, waxaana tani layaab ku noqotay rakaabka.
Waxaa la soo wariyay in qorshaha uu ahaa in diyaarada marto hawada Ireland kahor inta aysan si deg deg ah u caga dhigan.
Sofia Claire oo oo kamid ah rakaabka ayaa boggeeda Twitter-ka ku qortay “waa layaab, marka xigta bixiya cudur daar.”
Waxay intaa raacisay in hadda kaddib ku safri doonto diyaarad aan aheyn Jet 2 hase ahaatee waxaan wali faallo bixin shirkada.
