Radio Himilo
Himilo – Khadka dhexe ee kooxda Ajax Donny van de Beek ayaa beeniyay in uu oggolaaday ku biirista Real Madrid suuq furanka xagaaga soo socda.
Cayaaryahanka reer Netherlands ayaa mar kale sameeyay bandhig wanaagsan ol-olaha 2019-20 isaga oo dhaliyay 10 gool islamarkaana caawiyay 11 kale 37 kulan dhammaan tartamada oo idil.
Warbixinno kala duwan ayaa muujiyay in cayaaryahanka khadka dhexe uu oggolaaday u dhaqaaqista Bernabeu balse 22 jirka ayaa ku adkeystay in wax kasta furan yihiin marka la joogo mustaqbalkiisa.
“ Illaa iyo immika, qofna kuma aanan dhihin haa, way furan tahay, waan ogahay waxa aan halkan ku heysto, Jaceyl bay ii qabtaa Ajax,” ayuu yiri Donny van de Beek.
Manchester United iyo Juventus ayaa lala xiriiriyay laacibka u dhashay Holland kaasi oo qandaraaskiisa Amsterdam ku egyahay xagaaga 2022-ka.
