Radio Himilo
Himilo – Weeraryahanka kooxda Paris Saint-Germain Kylian Mbappe ayaa kamid ah xiddigaha ugu wanaagsan caalamka isaga oo wax badan ku biirin kara Real Madrid haddii uu ku biiro sida uu qabo Luis Figo.
Isaga oo 21 jir ah, Mbappe ayaa sameeyay guulo ka badan inta cayaaryahanno badan ku sameeyeen xirfadooda oo dhan.
Cayaaryahanka Faransiiska ayaa heysta seddex koob oo Ligue 1 ah iyo billad koobka adduunka ah isaga oo booska afaraad ku dhammeystay coddeynta abaalmarinta Ballon d’Or ee sannadkii 2018-ka.
Figo oo u soo cayaaray Blancos intii u dhaxaysay sannadihii 2000 illaa 2005-tii ayaa aaminsan in saxiixa Mbappe ee kooxdiisa hore uu noqon karo mid weyn oo wax badan ku biiriya Real Madrid.
“Da’da kama dhigna wax kasta marka aad leedahay tayo,” Figo ayaa sidaasi u sheegay RMC Sport.
Mbappe ayaa muhiim u ah kooxda PSG isaga oo xilli cayaareedkan sameeyay bandhig wanaagsan. Waxa uu dhaliyay 23 gool 27 kulan dhammaan tartamada dhan.
