Radio Himilo
Himilo – Inter Milan ayaa ku biirtay tartanka loogu jiro saxiixa weeraryahanka kooxda Chelsea Olivier Giroud.
Kooxda reer Talyaani ayaa goor sii horreysay la shaaciyay inay ka xiiso dhacday cayaaryahanka qaranka Faransiiska si ay ugu dhaqaaqdo Fernando Llorente kahor dhammaadka suuq furanka bishan.
Si kasta, marka la eego Sky Italia, waxaa fashil ku soo dhammaaday dadaallo socday oo kooxda ku dooneysay in heshiis ammaah ah kula soo wareegto cayaaryahankii hore ee Tottenham.
Warbixinnada ayaa tilmaamaya in Inter ay hadda dib u soo cusbooneysiineyso xiisaha Giroud kaasi oo qandaraaska uu ku joogo Stamford Bridge uu dhacayo dhammaadka xilli cayaareedka 2019-2020.
Cayaaryahanka ku guuleystay koobka adduunka sannadkii 2018 ayaa keliya ka soo muuqday shan kulan oo horyaalka Ingiriiska ah xilli cayaareedkan.
