Radio Himilo
Himilo- Tottenham Hotspur ayaa la warinayaa inay diyaar u tahay inay u dhaqaaqdo ciyaaryahanka khadka dhexe ee Leicester City James Maddison haddii Christian Eriksen uu ka tago kooxda.
Iyada oo Deenishku aanu muujin wax calaamado ah oo ah inuu qalinka ku duugayo heshiis cusub, kooxda ka dhisan Waqooyiga London ayaa rajeyneysa in kubadsameeyaha uu u saxiixo koox kale Janaayo ama xagaaga soo socda.
Taasi waxay ka dhigtay Spurs mid u baahan beddel waqti dheer oo mid ka mid ah raggooda muhiimka ah, inkastoo ay umuuqato inay diiradda saareyso bartilmaameedkeeda.
Sida laga soo xigtay The Mirror, Spurs ayaa mudnaanta siineysa ku darista Maddison, kaasoo kulankiisii ugu horreeyay u safan doona England inta lagu guda jiro mid ka mid ah labada kulan ee soo socda.
22 jirkan ayaa durbaba soo jiitay indhaha kooxda Manchester United, taasoo laga yaabo inay u horseedo in lagu dagaalamo saxiixiisa ka hor ololaha soo socda.
Inkastoo United la sheegay inay dareensan tahay inay awoodaan inay kula soo wareegaan Maddison lacag dhan 60 milyan ginni, joogitaanka Spurs ee tartanka ayaa hoos u dhigi doonta qiimaha.
