Radio Himilo
Himilo FM –Kylie Jenner ayaa noqotay bilyuneerka ugu da’da yar caalamka sida ku xusan liiska bilyuneerada dunida ee Forbes.
Gabadhan oo ah qofka ugu yar qoyska Kardashian Family ayaa hantida ka sameysay ganacsigeeda waxyaabaha la isku qurxiyo.
21 jirka ayaa ah aas-aasaha iyo milkiilaha xarunta Kylie Cosmetics oo ah ganacsi seddex sanno jir ah oo sameeyay 360 Milyan oo doolar sannadkii hore.
Waxay gabadhan jibisay score caalami ah oo uu dhigay Mark Zuckerberg oo ah aas-aasaha Facebook-ga oo goor sii horreysay noqday bilyuneerkii ugu da’da yaraa isaga oo 23 jir ah.
“ Waxna ma fileyn, ma saadaaliyo mustaqbalka,” ayay tiri gabadha noqotay bilyuneerka ugu da’da yar caalamka. Waxay intaa raacisay inuu wanaagsan yahay aqoonsiga la siiyay.
Liiska dadka lacagtooda ka badan tahay hal bilyan oo doolar waxaa hoggaaminaya Jeff Bezos oo ah aas-aasay Amazon. Waxay hantidiisa dhan tahay 131 Bilyan oo doolar.
Milkiilaha Facebook-ga ayaa kamid ah bilyuneerada caalamka ee hantidooda hoos u dhacayso sida laga soo xigtay majalada Forbes.
