Home / Habka-Nolosha / Lacazette oo xaqiijiyay inuu ka tegi doono kooxdiisa Lyon.

Lacazette oo xaqiijiyay inuu ka tegi doono kooxdiisa Lyon.

Muqdisho – Alexandre Lacazette ayaa sheegay inuu ka tegayo kooxdiisa Lyon, isaga oo xaqiijiyay inuu wada-hadal la sameeyey kooxda Atletico Madrid.

Weeraryahanka reer Faransa ayaa sheegay inuu ka faaruqi doono horyaalka Ligue 1 dhamaadka xagaaga isaga oo Lyon u ciyaaray taniyo markii uu kamid noqday xulkeeda hore sanadkii 2010.

Lacazette wuxuu ku nuuxnuuxsaday inuu dareensan yahay waqtigan inay tahay goortii ku habbooneyd inuu iskaga dhaqaaqo kooxda – isaga oo heerka tayadiisana in badan sare u dhigay.

“Waxaan filayaa waqtigii habboonaa inaan ku suganahay, waxaan rabaa inaan daah-rogo wax cusub; kana ciyaaro heerar kala duwan,” ayuu u sheegay L’Equipe.

“Waxaan rabaa inaan jawaabo u helo su’aalaha dadka iyo inaan horumar dheeri ah ku tallaabsado.”

Lacazette ayaa sidoo kale xusay inuu la hadlay kooxda Atletico Madrid – isaga oo amaanay ciyaartoyda iyo qaab-ciyaareedka kooxda. Wuxuuse qirtay inuusan heshiis la sameynin. Wuxuu sidoo kale ka dooday suura-galnimada sida loola xiriirinayo laacibka xulka Faransiiska, Antoine Griezmann.

“Atletico waa naadi si hal-adeygnimo leh uga soo dhalaashay loolamada tartanka Champion League,” ayuu yiri 25-jirkan.

“Waa koox weyn oo ku sugan gegi cusub; taas oo dhiirri-gelin siisa laacibiinteeda.”

“Waxaana ku jira kuwaas Antoine Griezmann. Haddii ay tahay naadiga aan doortayna, laga yaabee inaan jawaabteeda ku siiso bilaha dhow gudahood.”

Lacazette ayaa 14 sano ku soo qaatay kooxdiisa Lyon.

 

About radio himilo

error: Copy lama Ogola Fadlan