Radio Himilo
Himilo- Liverpool ayaa lagu soo waramayaa inay wadahadalo la furtay weeraryahanka reer Senegal Sadio Mane si ay ugala hadlaan qandaraas cusub.
27 jirkan ayaa qandaraaskiisa haatan ee Anfield wuxuu soconayaa illaa sannadka 2023 laakiin kooxda Jurgen Klopp ayaa la rumeysan yahay inay doonayaan inay xiddigan sii dheereystaan joogistiisa iyadoo ay jirto qaab ciyaareed wanaagsan oo uu ku jiro.
Mane wuxuu ku guuleystay labadaba Premier League kabta dahabka ah iyo Champions League Reds xilli ciyaareedkii lasoo dhaafay, halka sidoo kale uu door wanaagsan ka ciyaaray tartankii Senegal ee finalka Koobka Qaramada Afrika xagaagan.
Bogga Faransiiska ee Soccer Link ayaa sheegaya in wadahadalada u dhexeeya Liverpool iyo xiddigii hore ee Red Bull Salzburg ay ku jiraan marxaladaha hore, kooxda Merseyside ayaa durbadiiba muujisay inay diyaar u yihiin inay u soo bandhigaan mushaar kordhin.
Mane ayaa labo gool ka dhaliyay Newcastle United isagoo dhaliyay lix gool lix kulan oo uu illaa iyo haatan saftay xilli ciyaareedkan tartamada oo dhan.
Garabkan ayaa dhaliyay 65 gool 129 kulan oo uu u saftay Reds tan iyo markii uu kaga soo biiray kooxda kale ee Premier League ee Southampton sannadkii 2016.
