Radio Himilo
Kooxda Manchester City ayaa xilli ciyaareedkan hanatay laba ka mid ah saddex Koob oo ay u tartameysay,waxaana xalay ay ku guuleystay Koobka ugu faca weyn Kubadda Cagta ee FA-ga Ingiriiska.
Kulankii xalay waxaa ay laba iyo hal uga badisay kooxda ay deriska yihiin islamarkaana xifaaltamaan ee Manchester United.
Horay waxaa ay ugu guuleystay horyaalka Premier League iyada oo ka qaatay Arsenal oo ahayd kooxda hoggaanka heysay in ku dhow 300 oo maalmood xilli ciyaareedka dhamaaday.
Koobka saddexaad ee ay isha ku heyso City,waxaa uu yahay koobka Kooxaha Europe ee Champions League kaas oo ay hadda taagantahay kama dambeystiisa.
10ka Bishan Kooxda Inter Milan ee dalka Talyaaniga ayey la ciyaari doontaa kama dambeysta UEFA Champions League.
Haddii ay Man City ku guuleysto koobkaas saddexaad waxaa ay barbarreyneysaa kooxda ay xalay ka qaadday FA-ga ee United oo ah kooxda kaliya ee hal xilli Ciyaareed saddex Koob hanatay.
