Man City oo dooneysa saxiixa Dani Ceballos

Himilo – Manchester City ayaa xiiseynaysa saxiixa cayaaryahanka khadka dhexe ee Real Madrid Dani Ceballos inta lagu guda jiro suuq furanka xagaaga.

23 jirka ayaa ammaah ku jooga Arsenal ol-olaha 2019-20 isaga oo dhaliyay labo gool islamarkaana caawiyay labo kale 35 kulan oo ah dhammaan tartamada oo idil.

Qandaraaska khadka dhexe ee Emirates Stadium ayaa ku eg bisha soo socota, sida la filayana, waxa uu ku laabanayaa garoonka Bernabeu xagaaga danbe.

Ceballos kuma jiro liiska cayaaryahannada uu ku xisaabtamayo tababaraha Real Madrid Zinedine Zidane.

Sida laga soo xigtay Diario Madridista, Man City aya isha ku heysa isbadallada ku saabsan cayaaryahanka oo ay dooneyso saxiixiisa.

Qandaraaska Ceballos ee Bernabeu ayaa ku eg dhammaadka xagaaga 2023-ka.