Radio Himilo
Himilo – Manchester United ayaa la soo warinayaa in aysan ka rajo dhigin saxiixa weeraryahanka kooxda Sporting Lisbon Bruno Fernandes kahor dhammaadka suuq furanka bishan.
Cayaaryahanka qaranka Portugal ayaa si weyn loola xiriiriyay u dhaqaaqista garoonka Old Trafford tan iyo billowgii bishan laakiin United ayaa la tilmaamay inay ka baxday wadahadallada toddobaadkii tagay kaddib markii la isku fahmi waayay heshiiska.
Sida laga soo xigtay The Sun, Red Devils ayaa wali rumeysan inay dhammeystiri karaan u dhaqaaqista laacibka kahor inta uusan xermin suuqa kala iibsiga maalinta Jimcada ee soo socota.
Warbixinnada ayaa intaa raacinaya in Sporting Lisbon oggolaatay inay hoos u dhigto qiimaha laacibka oo markii hore lagu qiyaasay £68 Milyan. Hadda waxay oggoshahay kooxda qiimo dhan £60 Milyan.
25 jirka ayaa bandhig fiican ku qaatay kooxdiisa xilli cayaareedka 2019-2020 isaga oo dhaliyay 15 gool islamarkaana caawiyay 14 gool dhammaan tartamada oo dhan.
