Muqdisho – Lothar Matthaus ayaa rumeysan in weeraryahanka naadiga Arsenal, Alexis Sanchez uu dheeraad u noqon karo kooxda Bayern Munich haddii uu kusoo biiro.
Heshiiska Arsenal uu kula joogo Sanchez ayaa ku eg bisha June 2018-ka. Waxaana hakad ku jira heshiis kordhin ay ka wada xaajoodaan labada dhinac kahor inta uusan idlaan xagaagan.
Arsen Wenger ayaa ku niyadsan in Alexis Sanchez uu ku nagaanayo gegida Emirates, hayeeshe kooxo waaweyn sida Chelsea iyo Bayern Munich ayaa aad u doonaya 28-jirkan.
Goal ayaa fahamsan in Manchester City ay bartilmaameed ka dhigatay Sanchez iyo daafaca kooxda Juventus, Leonardo Bonucci.
“Sanchez waa laacib weyn; inuu saxiix la galo Bayern Munich-na aad bay u fiican tahay,” ayuu Matthaus u sheegay AZ. “Kaalinta ama faa’iidada uu leeyahay laacibkan, waa inuu ka ciyaari karo dhinac kasta oo looga baahdo.”
