Radio Himilo
Himilo – Bandhigga buugaagta caalamiga ah ee Muscat ee dalka Cumaan ayaa sanadkan soo jiitay dad tiradoodu sareyso, iyadoo hal maalin ay ka qeybgaleen in ka badan 70,000 qof. Tani waxay muujinaysaa heerka sare ee xiisaha dadweynaha u qabaan bandhiggan.
Bandhigga oo ah kii 29-aad, wuxuu furmay April 24, waxaana halku-dhiggiisu yahay “Kala-duwanaanshaha Dhaqanka: Kobcinta Horumarka Aadanaha”.
Waxaa lagu soo bandhigayaa in ka badan 600,000 buug, waxaana sidoo kale ka qaybgalaya 674 madbacadood oo ka kala yimid 35 waddan.
Waxaa kale oo la qabtay 211 barnaamij dhaqan ah iyo 155 hawlo ubadka loogu talagalay, kuwaas oo lagu daray saxeexyada buugaagta, dood-wadaagyo, iyo barnaamijyo wacyi-gelin ah.
