Himilo – Diego Costa ayaa loo sheegay inuu ka tagi karo Atletico Madrid ka dib markii ay kooxda kusoo biireen Joao Felix iyo Alvaro Morata xagaagan.
Xiddiga reer Spain ayaa wadahadalo kula jira Everton, lakiin Flamengo ayaa isku dayaysa in dib ugu celiso dalkiisa hooyo halkaas oo uu ku dhashay, sida laga soo xigtay ESPN Brasil.
Inkastoo xiddigii hore ee Chelsea ay Atletico Madrid 57 Milyan oo ginni dib ugu soo ceshatay bishii Janaayo 2018-kii ayaa keliya seddex gool dhaliyey xilli ciyaareedkii hore.
West Ham, wolves iyo Everton ayaa dhammaantood lala xiriirinayay inay u dhaqaaqayaan weeraryahanka xagaagan.
Warbixinta ayaa soo jeedineysa in Flamengo ay diyaar u tahay inay bixiso inta u dhaxeysa £ 9m illaa £ 12m laakiin arrinta ugu weyn waa mushaharkiisa .
Costa waxa uu haatan ku qaataa £ 150,000 toddobaadkii Wanda Metropolitano, waana in ka badan laba jibaar ciyaaryahan kasta oo Flamengo ah inta uu qaato.
Mushaharkaasi ma ahan mid aad u dhib badan marka loo eego Everton, oo ay lix ciyaaryahan uga qaataan ugu yaraan £ 100,000 toddobaadkii.
30 jirkan ayaa 10 gool ka dhaliyay 24 kulan oo uu u saftay dalkiisa, waxaana uu dhaliyay 174 gool 437 kulan oo uu ciyaaray idil ahaan xirfadiisa.