Nin Sacuudiyaan ah oo jaceyl ku khiyaanay gabar Hindi ah

Himilo- Booliiska dalka Hindiya ayaa gacanta ku dhigay nin u dhashay Sacuudiga oo gabar Hindi ah ka ballan qaaday guur islamarkaana uga baxay markii uu ka qaatay lacag badan.

Sida uu qoray wargeyska Daily Mail, ninka dhallinyarada ah ayaa gabadha oo ah shaqaale diyaaradeed ku bartay duulimaad diyaaradeed. Waxa uu la sameeyay xiriir muddo qaatay.

Gabadha reer Hindiya ayaa xustay in xiriir jaceyl uu kala dhaxeeyay wiilka oo ka ballan qaaday guur isaga oo dejinaya guriga aabihiis oo ku yaalla Sacuudiga.

Intaa kaddib, ninka ka soo jeeda Sacuudiga ayaa gabadha weydiistay lacag dhan 21,000 doolar, markii ay ka codsatay in uu lacagta u soo celiyo ayaa la tilmaamay in uu baxsaday.

Booliiska ayaa la gaarsiiyay sheekada gabadha iyaga oo ku guuleystay inay gacanta ku soo dhigaan muwaadinka Sacuudiyaanka ah.